Rënia e fasadës së objektit në Fushë Kosovë, Inspektorati i Komunës rrethon vendin

23:46 | 25 Janar 2026
E.G

Inspektorati i Komunës së Fushë Kosovës ka dalë në terren për të inspektuar një objekt ku ka ndodhur rënia e fasadës së ndërtesës dhe ka mbetur i lënduar një person.

Sipas njoftimit, për arsye sigurie, zona është rrethuar dhe janë vendosur shirita mbrojtës për të parandaluar rrezikimin e qytetarëve.

“Si pasojë e kësaj ngjarjeje, një veturë ka pësuar dëme materiale, ndërsa një person ka mbetur i lënduar dhe aktualisht po merr trajtimin e nevojshëm mjekësor në Qendrën Kryesore të Mjekësisë Familjare.”, thuhet në njoftim.

“Komuna e Fushë Kosovës u bën apel të gjithë qytetarëve për kujdes të shtuar. Institucionet komunale do të vazhdojnë monitorimin e situatës dhe ndërmarrjen e masave të nevojshme për garantimin e sigurisë publike.”, thuhet tutje./Arbresh.info